Banka Botërore për Kosovën

Përfaqësuesit e Bankës Botërore thanë se deri tani Kosova ishte mbrojtur nga kriza në eurozonë për shkak të pranisë së kufizuar në tregjet ndërkombëtare, por ajo nuk mund të shmanget nga efektet e saj. Gjatë prezantimit të raportit për rritjen ekonomike të rajonit, u tha se e ardhmja e vendeve të Evropës Juglindore është në integrimin e tyre më të thellë në ekonominë evropiane, me gjithë krizën aktuale në zonën ku monedhë zyrtare është euroja.