Ekonomia shqiptare

Përfaqësues të qeverisë shqiptare deklaruan sot se borxhi publik, edhe pse i lartë, është nën kontroll. Ata theksuan se nuk e shohin rritjen e taksave dhe borxheve si rrugën për të përballuar presionin e krizës ekonomike. Kryeministri Sali Berisha deklaroi se qeveria po studion uljen e mëtejshme të taksave, ndërsa guvernatori i Bankës së Shqipërisë, Ardian Fullani, tha se vendi ka siguruar një qëndrueshmëri ekonomike, e cila nuk është vënë në dyshim asnjë çast. Një ditë më parë Banka Botërore deklaroi se ekonomitë e Ballkanit po ngadalësohen dhe se rritja ekonomike këtë viti do të jetë rreth 1,5 për qind.