Debat mbi tarifën doganore të çimentos

Në Kosovë, Parlamenti shtyu për nesër votimin e një mocioni për shfuqizimin e një vendimi të ministrisë së Tregtisë dhe Industrisë. Vendimi parashikon marrjen e masave të përkohshme mbrojtëse në importin e çimentos për të gjitha vendet me tarifë prej 35 për qind. Muajin e kaluar, autoritetet vendosën këto masa me motivacionin për mbrojtjen e prodhimit vendas nga importet. Ky vendim, ka nxitur reagime të shumta të partive opozitare dhe të përfaqësuesve të bizneseve në Kosovës dhe Shqipëri, të cilët kanë bërë thirrje për anulimin e tij, pasi ata shprehen se dëmton interesat kombëtare të shqiptarëve.