Komente pas miratimit të kodit zgjedhor

Pas votimit për kodin zgjedhor, drejtuesi i Institutit për zhvillimin e demokracisë dhe sistemeve zgjedhore, Kristaq Kume tha se fati i zgjedhjeve do të varet përsëri në vullnetin e komisionerëve partiakë për të zbatuar ose jo ligjin. Reforma zgjedhore që kryen partitë politike ishte përcjellë me komente skeptike nga ekspertë të pavarur të shoqerisë civile. Organizatat joqeveritare kishin kërkuar që të ulej shkalla e përfshirjes së partive politike në administrimin e zgjedhjeve, kërkesë kjo që nuk u plotësua me këtë reformë.