Kosovë, Kontributi i grave në shtetformim

Përfshirja e grave në mjedisin politik të Kosovës vazhdon të jetë një sfidë për shtetin e ri, katër vjet pas pavarësisë. Një numër zyrtaresh nga institucionet e Kosovës që ndodhen në Shtetet e Bashkuara diskutuan të mërkurën mbi këto sfida në Uashington. Ato thanë se megjithëse ekziston infrastruktura ligjore për të mundësuar pjesëmarrjen e gruas në proceset politike në vend, është e nevojshme të bëhet më shumë.