Kuçi: Kosovës dhe Serbisë u duhet një traktat paqeje
Zëvendëskryeministri i Kosovës, Hajredin Kuçi, tha sot se Prishtina është e gatshme të bisedojë me Beogradin për normalizimin e marrëdhënieve ndërmjet Kosovës dhe Serbisë, por ato duhet të përmbyllen me një traktat paqeje mes tyre. Komentet e tij pasuan shtimin e debateve dhe kërkesave të diplomatëve perëndimorë për vazhdimin e bisedimeve ndërmjet dy vendeve, pasi normalizimi i marrëdhënieve ndërmjet tyre ka rëndësi për çuarjen përpara të gjithë rajonit të Ballkanit drejt integrimeve evropiane.