Reagime mbi projektligjin për konfiskimet

Në Kosovë, janë shtuar debatet rreth projektligjit për konfiskimin e pasurive të përfituara me vepra penale. Ndonëse qeveria thotë se ai do të mundësojë një luftë më të frytshme kundër krimit të organizuar, organizata të shoqërisë civile thanë sot se miratimi i një ligji të tillë çfarë është hartuar nga qeveria vetëm sa do të mundësojë legalizimin e pasurisë së paligjshme, kryesisht të zyrtarëve të lartë të shtetit.