Privatizimi në Kosovë

Në Kosovë, zyrtarë të agjencisë së privatizimit thanë se Serbia nuk mund të ndikojë e as ta pengojë këtë proces. Komentet e tyre pasuan njoftimet se autoritetet serbe do të kërkojnë nga Gjykata Kushtetuese e Serbisë që të shqyrtojë kushtetutshmërinë e privatizimit në Kosovë që nga viti 1999 e deri më sot. Qindra ndërmarrje shoqërore në Kosovë janë privatizuar deri tani, por ka pasur një numër rastesh që nuk janë përfshirë në këtë proces, për shkak të çështjeve të pazgjidhura pronësore, trashëgimi e periudhës së administrimit të Kosovës nga Beogradi.