Lidhje

Romney siguron votat e mjaftueshme të partisë


romney

romney

Delegatët e Partisë Republikane nga i gjithë vendi hodhën më shumë vota, 1144, për zotin Romney, gjatë një votimi me telefon mbrëmë

Kandidati republikan për president Mitt Romney ka siguruar votat e mjaftueshme të partisë së tij për të kandiduar për postin më të lartë në Shtetet e Bashkuara.

Delegatët e Partisë Republikane nga i gjithë vendi hodhën më shumë vota, 1144, për zotin Romney, gjatë një votimi me telefon mbrëmë.

Ish guvernatori i New Hampshirit John Sununu e filloi dje zyrtarisht procesin e emërimit, duke e quajtur zotin Romney njeriu i duhur në kohën e duhur.

Kandidati tjetër republikan për president, Përfaqësuesi i Teksasit, Ron Paul, gjithashtu mori disa vota.

Z. Romney arriti dje në qytetin Tampa të Floridës ku po zhvillohet Kuvendi Kombëtar i Partisë Republikane. Gruaja e tij, Ann Romney, foli mbrëmë në kuvend.

Bashkëshortja e kandidatit republikan për president Mitt Romney i bëri thirrje vendit për t'i dhënë burrit të saj mundësinë për të udhëhequr Shtetet e Bashkuara "për t'a bërë një vend më të mirë."

Ann Romney e përdoruri fjalimin e saj në Kuvendin Kombëtar Republikan të martën mbrëma për të promovuar arritjet e burrit të saj si një biznesmen, Guvernator i shtetit Massachusetts dhe udhëheqës në kishën Mormone.

Ajo gjithashtu iu drejtua të votuesve femra, duke thënë se ato ishin "më të mirat e Amerikës, shpresa e Amerikës".

Pas fjalës së saj, Ann Romney u prit në podium nga burri i saj me një përqafim dhe puthje urimi.

Ndërsa Guvernatori i New Jerseyt Chris Christie mbajti fjalimin kryesor që mbylli edhe punimet e djeshme të Kuvendit..

Kuvendi vazhdon sot punimet.
XS
SM
MD
LG