Rezervat hidroenergjitike në Shqipëri

Gjatë stinës së verës, në Shqipëri u pakësuan ndjeshëm rezervat hidroenergjitike, kjo për shkak edhe të mungesës së zgjatur të rreshjeve. Zevendës Kryeministri i Shqipërisë, Edmond Haxhinasto, i cili mbulon Ministrinë e Ekonomisë, Tregtisë dhe Energjitikës, tha sot se situata po monitorohet me kujdes dhe se, gjatë javëve të ardhëshme, pritet një përmirësim i situatës në kaskadën e Lumit Drin, ku gjenden edhe hidrocentralet më të mëdha të vendit. Ndërkohë, duke ju përgjigjur dyshimeve të ngritura mbi kompanitë pjesëmarrëse në priavatizimin e Alpetrolit, zv. Kryeministri Haxhinasto tha se procesi është ligjor e transparent dhe se shumë shpejt do të përfundojë shqyrtimi i ofertave.