BE inkurajon Maqedoninë të vazhdojë reformat

Komisioneri për zgjerim i Bashkimit Evropian, Shtefan Fyle i cili po qëndron për vizitë në Shkup, tha se ardhmëria e Maqedonisë është tek vizioni i përbashkët; se Bashkimi Evropian dhe Marrëveshja e Ohrit janë elementet kyç për këtë vizion. Zoti Fyle mori pjesë në dialogun e nivelit të lartë me qeverinë e Maqedonisë në përpjekje të këtij vendi Ballkanik për t’u integruar në BE. Ai inkurajoi autoritetet që të vazhdojnë reformat.