Kosove pergjimet

Në Kosovë kanë vazhduar reagimet rreth situatës së krijuar pas publikimit të disa bisedave telefonike të cilat pretendohet se janë bërë ndërmjet zyrtarëve të lartë institucional. Qeveria thotë se bisedat që janë postuar në Youtube, janë të falsifikuara dhe joligjore, ndërsa EULEX-i pohon se materialet e bisedave u bënë publike pasi i ishin dorëzuar Gjykatës dhe Këshillit të Mbrojtjes në një proces gjyqësor. Sqarime kërkoi edhe kryetari i Parlamentit Jakup Krasniqi që është subjekti më i përmendur në bisedat e publikuara.