Rezultatet zyrtare të referendumit me dy faza për një kushtetutë të re të mbështetur nga islamikët në Egjipt mund të njoftohen qysh sot.
Zyrtarët e zgjedhjeve kanë filluar numërimin e votave të raundit të dytë të votimit të shtunën, që u zhvillua në 17 nga 27 provincat e Egjiptit. Votimi në provincat e tjera filloi më 15 dhjetor.
Lëvizja Vëllazëria Myslimane e presidentit Mohamed Morsi tha se rezultatet jozyrtare tregojnë se kushtetuta fitoi miratimin nga 64 përqind e votuesve në të dyja raundet, me më shumë se 71 përqind që votuan pro kushtetutës të shtunën.
Por opozita, Fronti Kombëtar i Shpëtimit thotë se u ka kërkuar zyrtarëve të hetojnë parregullsitë në referendum. Koalicioni i opozitës liberale thotë se mungesa e vëzhgimit juridik të referendumit çoi në manipulimin e votës dhe frikësimin e votuesve nga islamikët.
Shumë gjyqtarë bojkotuan proçesin në shenjë proteste ndaj përpjekjeve të fundit të zotit Morsi për t’i vendosur vendimet e tij mbi ligjin.
Aktivistët thanë gjithashtu se kushtetuta nuk ka një mandat popullor pasi vetëm një e treta e elektoratit votoi për të.
Zyrtarët e zgjedhjeve kanë filluar numërimin e votave të raundit të dytë të votimit të shtunën, që u zhvillua në 17 nga 27 provincat e Egjiptit. Votimi në provincat e tjera filloi më 15 dhjetor.
Lëvizja Vëllazëria Myslimane e presidentit Mohamed Morsi tha se rezultatet jozyrtare tregojnë se kushtetuta fitoi miratimin nga 64 përqind e votuesve në të dyja raundet, me më shumë se 71 përqind që votuan pro kushtetutës të shtunën.
Por opozita, Fronti Kombëtar i Shpëtimit thotë se u ka kërkuar zyrtarëve të hetojnë parregullsitë në referendum. Koalicioni i opozitës liberale thotë se mungesa e vëzhgimit juridik të referendumit çoi në manipulimin e votës dhe frikësimin e votuesve nga islamikët.
Shumë gjyqtarë bojkotuan proçesin në shenjë proteste ndaj përpjekjeve të fundit të zotit Morsi për t’i vendosur vendimet e tij mbi ligjin.
Aktivistët thanë gjithashtu se kushtetuta nuk ka një mandat popullor pasi vetëm një e treta e elektoratit votoi për të.