Lidhje

Sot në Athinë u zhvillua një protestë e organizuar nga një sindikatë e mbështetur nga partia komunsite. Protestuesit u përpoqën të hynin në një ndërtesë qeveritare dhe u përleshën me policinë, që përdori gazin lotsjellës për shpërndarjen e tyre.

Të paktën një person u çua në spital, me vështirësi në frymëmarrje pas përleshjeve që u zhvilluan brenda dhe jashtë Ministrisë së Punës në Athinë. Të paktën 20 protestues u ndaluan nga policia. Sindikata proteston ndaj reformave të planifikuara për sistemin e pensioneve dhe atë të shpërndarjes së të ardhurave, që janë pjesë e shkurtimeve të mëdha që i kërkohen Greqisë nga partnerët evropianë dhe FMN-ja, si kusht për ndihmat e emergjecës ndaj vendit.

Masat e reja këtë vit përfshijnë shkurtimin me 25 për qind të të ardhurave për punonjësit e shërbimit publik. Ato kanë shkaktuar protesta, një prej të cilave është në plan të zhvillohet nesër, dhe që do të ndërpresë transportin publik dhe shërbime të tjera shtetërore.

Trego komentet

XS
SM
MD
LG