Bisedimet Kosovë-Serbi, raundi i gjashtë
Në Bruksel përfundoi pa ndonjë marrëveshje raundi i gjashtë i bisedimeve ndërmjet Kosovës dhe Serbisë për normalizimin e marrëdhënieve ndërmjet tyre. Kryeministrat e të dyja vendeve, Hashim Thaçi e Ivica Daçiç, nuk kanë arritur ndonjë pajtim për mënyrën e administrimit të veriut të Kosovës të banuar me shumicë serbe. Të dyja palët pritet të takohen sërish më 20 mars, për të vazhduar bisedimet e ndërmjetësuara nga Bashkimi Evropian.