Lidhje

Derrat e ngordhur në Shanghai


Në lumin Huangpu të Shangait janë gjetur rreth 6 mijë derra të ngordhur, një ngjarje që i ka habitur së tepërmi autoritetet dhe banorët.

Ata ende nuk dinë se si përfunduan kafshët e ngordhura në lumin që është burimi kryesor i ujit të pijshëm për qytetin.

Media njoftoi se numri i derrave të ngorghur është dy-fishuar gjatë dy ditëve të fundit, ndërsa kanë vazhduar hetimet për këtë çështje. Autoritetet e Shangait, qendra financiare e Kinës, thonë se derrat kanë përfunduar në lumë nga provinca Zhajiang, ku ndodhet një fermë e madhe derrash.

Nuk dihet se si kanë ngordhur derrat, megjithëse disa prej tyre, pas analizave kanë dalë të infektuar me një sëmundje të zakonshme të derrave, cila nuk prek njerëzit.
XS
SM
MD
LG