Oroshi është një nga 5 komunat e rrethit te Mirditës, një zonë kjo me tradita të pasura kulturore dhe atdhetare, por që gjatë 20 viteve të fundit është përballur me probleme sociale dhe ekonomike, që e kanë detyruar më shumë se gjysmën e popullatës të shpërngulet ne drejtim te zonave të tjera të Shqipërisë. Ndërtimi i Rrugës së Kombit ka krijuar kushte të reja për komunën e Oroshit, ku disa kompani të huaja janë ofruar për të investuar në shfrytëzimin e burimeve minerare dhe ujore.