Rezultati i zgjedhjeve në Maqedoni
Partitë VMRO-DPMNE dhe Bashkimi Demokratik për Integrim kanë fituar në mënyrë bindëse zgjedhjet e djeshme vendore në Maqedoni. VMRO-ja ka fituar 25 komuna ndërsa BDI-ja - tetë; ndërkohë disa komuna janë në balotazh. Vëzhguesit ndërkombëtarë e kanë vlerësuar procesin si të efektshëm dhe konkurrues. Por OSBE dhe Këshilli i Evropës vërejnë se fushata u la në hije të tensioneve ndëretnike. Nga parregullsitë e nënvizuara nga vëzhguesit janë votimet në grup.