Rama: Jo kompromis për ndryshim në KQZ
Në Shqipëri kryetari i Partisë Socialiste Edi Rama tha sot se nuk mund të ketë asnjë kompromis për zëvendësimin e një anëtari të Komisionit Qendror të Zgjedhjeve. Sipas tij nisma e ndërmarrë nga shumica e djathtë është haptazi e paligjshme. Komentet e zotit Rama bëhen një ditë pasi përfaqësues të komunitetit ndërkombëtar i mëshuan idesë se anëtarët e Komisionit Qendror të Zgjedhjeve janë apolitikë dhe se vetë ky institucion është teknik. E djathta mbron idenë se në Komision duhet ruajtur baraspesha politike mes anëtarëve.