Intervistë me z. Stavri Dhima për TAP
Lajmi për miratimin e projektit TAP mbi transportin e gazit nga Azerbajxhani drejt Italisë u prit me entuziazëm në Tiranë. Drejtuesi i zyrës rregullatore dhe menaxhuese për projektet dhe kontratat në ministrinë e energjisë, Stavri Dhima, thekson rëndësinë e një vendimi të tillë për ekonominë shqiptare. Sipas tij, projekti TAP kalon në 3 qarqe, 38 bashki e komuna nga Korça, Berati në Fier dhe mund të punesojë mbi 20 mijë punëtorë e specialistë. Pjesa më e madhe e gazit që do të mbetet në Shqipëri, do të përdoret si lëndë djegëse për prodhimin e energjisë elektrike për metalurgjinë, TEC-et dhe biznese te tjera.