Lidhje

Presidenti Obama: Afrika, histori suksesi


President Obama

President Obama

Presidenti amerikan Barak Obama ka kërkuar partneritete të reja të tregtisë me Afrikën lindore, gjatë një vizite në Tanzani, ndalesa e fundit e turneut të tij në Afrikë.

Zoti Obama u tha udhëheqësve afaristë amerikanë dhe afrikanë në Dar es Salaam të hënën se ai e sheh Afrikën si "histori tjetër të madhe të suksesit në botë."

Z. Obama njoftoi një sipërmarrje të re të quajtur "Tregtia e Afrikës" që kërkon për të rritur lidhjet tregtare midis Afrikës nën-sahariane dhe Shteteve të Bashkuara të Amerikës, fillimisht duke u fokusuar në Afrikën Lindore.

Gjatë turneut të tij në tre vende të Afrikës, zoti Obama ka theksuar se SHBA-ja dëshiron një marrëdhënie me Afrikën bazuar më shumë mbi tregti sesa ndihma.

Presidenti amerikan u prit me nderime të hënën në aeroportin e Dar es Salamit ku u takua me shumë tanzianianë, dhe pastaj shkoi në Shtëpinë Shtetërore për bisedime me presidentin e Tnazanisë, Jakaya Kikwete.

Në një konferencë shtypi, Z. Kikwete falënderoi zotin Obama për ndihmën përmes Korporatës amerikane të Sfidës së Mijëvjeçarit, që ai tha, se ka përmirësuar qasjen e tanzanianëve ndaj shërbimeve bazë si ujë të pijshëm dhe arsim. Zoti Obama përgëzoi Tanzaninë për përdorimin efektiv të këtyre ndihmave.
XS
SM
MD
LG