Ligji i amnistisë në Kosovë
Parlamenti i Kosovës, pritet të hapë sërish javën e ardhshme debatin rreth ligjit mbi amnistinë, që synon të krijojë kushte për integrimin e pjesëtarëve të strukturave serbe në veriun e Kosovës. Ligji, i cili u miratua dje nga qeveria e Kosovës, me ndryshime që pasuan debatin e së enjtes në Parlament, ka nxitur shumë reagime të ekspertëve, që vlerësojnë se ligji do të krijojë hapësirë për amnistim të veprave të rënda që sipas tyre nuk duhet të amnistohen.