Lidhje

Histori: Çfarë ndodhi më 24 shtator?

  • Astrit Lulushi

Islamic Calendar

Islamic Calendar

622 - Profeti Muhamed, duke ikur nga Meka, arrin në Medina. Kjo ikje e tij në oazet e shkretetires, shënoi fillimin e kalendarit Mysliman.

1915 - Ded Gjo' Luli vritet nga forcat serbe - malazeze në Orosh te Mirditës. Lindur me 1840 në malësinë e mbi-Shkodrës, ai kishte marrë pjesë në qëndresën e organizuar nga Lidhja e Prizrenit më 1878 për mbrojtjen e Hotit dhe Grudës, pas miratimit të traktatit të Shën Stefanit për shkëputjen e këtij territori në favor të Malit të zi. Dede Gjo Luli është më i njohur për fillimin e kryengritjes së vitit 1911 për pavarësinë e rajonit të Malësisë nga perandoria osmane; kjo kryengritje shërbeu si shkëndijë për veprimet nga Luigj Gurakuqi, Ismail Qemali dhe Isa Boletini drejt shpalljes së pavarësisë së Shqipërisë. Kryengritja e Malësisë rezultoi me ngritjen simbolike të flamurit shqiptar në majë të Deçiqit për herë të parë në 442 vitet e pushtimit osman (që pas rënies së Shkodrës, në vitin 1479). Heroizmave të Dedë Gjo Lulit, Gjergj Fishta i këndon në poemën epike Lahuta e Malësis:
"Dedë Gjo’ Luli, ‘i shpatë e gjallë,
Shtremon ksulen, del në shkallë,
Bedri Pashës po i çon aj fjalë:
Mirë nenshtrasha, or’ Bedri Pasha!
Amanet jam tue t’ a lânë,
Ket fjalë Mbretit me m’ i a thânë:
Se me sodjet, êmni i Zotit!
Shka jem’nipash s’ Gjergj Kastriotit
E Shqyptarë qi i thomë na vedit,
Mâ duvâ nuk i bâjm Mbretit.
E as s’ e njofim mâ per Mbret.
Rrash po mbushen pesqind vjet,
Qi na i bâjm atij hysmet..."

1948 - Në Tirane, Pleniumi XI përfundon punimet me vendimin që në kongresin e parë te planifikuar për më 8 nëntor të miratohej edhe ndryshimi i emrit nga Partia Komuniste e Shqipërise në Partia e Punës e Shqipërisë.

1964 - Në Uashington, Komisioni Warren mbyll hetimin, duke arritur në përfundimin se Lee Harvey Oswald veproi i vetëm në vrasjen e presidentit amerikan Xhon Kenedi. Në kontrast me përfundimet e këtij komisioni, Komisioni i zgjedhur i Dhomës së Përfaqësuesve mbi Vrasjet (HSCA), në vitin 1978 arriti në përfundimin se Kennedy u vra ndoshta si rezultat i një komploti. HSCA nuk ka identifikuar ndonjë person tjetër ose grup të përfshirë në vrasjen, përveç Osvaldit, dhe shprehet veçanërisht se CIA, Bashkimin Sovjetik, krimi i organizuar, dhe disa grupe të tjera nuk janë përfshirë në këtë vrasje, edhe pse individë të këtyre grupeve, nuk përjashtohen nga mundësia e pjesmarrëjes në 'të. Vrasja e Kennedit është ende subjekt i një debati të gjerë dhe ka lindur teori të shumta konspirative dhe skenarë alternativë. John Fitzgerald Kennedy, presidenti i 35 i Shteteve të Bashkuara, u vra të premten më 22 nëntor, 1963, në Dealey Plaza, Dallas, Teksas. Kennedy u qëllua për vdekje nga një snajper ndërsa udhëtonte me makinë me gruan e tij Jacqueline në një parakalim presidencial. Anketa të kryera mes viteve 1966 - 2003 kanë treguar se më shumë që 80 për qind e amerikanëve besojnë se vrasja e tij ishte një komplot ose e organizuar.

Mendim i ditës
“Në çështje stili, noto me rrymën; në çështje parimi, qëndro si shkëmb.”
Thomas Jefferson

Trego komentet

XS
SM
MD
LG