Kryeministri Thaçi në Nju Jork

Kryeministri i Kosovës Hashim Thaçi, i cili ndodhet në Nju Jork për takime me udhëheqës ndërkombëtarë, i tha mbrëmë Zërit të Amerikës se zgjedhjet komunale të 3 nëntorit do të hapin një kapitull të ri për normalizimin e plotë të gjendjes në veriun problematik të vendit. Zoti Thaçi i tha kolegut tonë Ilir Ikonomi, se kushtet për zgjedhje në veri ekzistojnë, pavarësisht se ka elementë që, siç u shpreh ai, kërkojnë trazira dhe përpiqen të frikësojnë qytetarët.