Draft Entry

Komisioni Evropian parasheh fillimin e negociatave për Marrëveshjen e Sabilizim Asociimit me Kosovën në fund të këtij muaji dhe përmbylljen e tyre deri në pranverën e vitit të ardhshëm. Raporti i Komisionit i publikuar sot, vlerëson lartë procesin e bisedimeve ndërmjet Kosovës dhe Serbisë dhe rëndësinë e zbatimit të marrëveshjeve të deritashme për normalizimin e marrëdhënieve ndërmjet të dyja vendeve. Ai vë në pah ndërkaq edhe sfidat që e presin Kosovën në të ardhmen posaçërisht në fushën e sundimit të ligjit dhe luftës kundër krimit të organizuar dhe korrupsionit.