Lidhje

Lidhjet mes trurit tek njeriu dhe miza


An image of activity in a human brain
An image of activity in a human brain
Paraardhësi i fundit i përbashkët i mizave dhe njerëzve ka jetuar më shumë se 500 milionë vjet më parë. Por shkencëtarët thonë gjatë evoluimit, të dy organizmat krijuan strategji të ngjashme për të reaguar ndaj lëvizjeve rreth tyre. Për këtë arsye, shkencëtarët në Universitetin e Stanfordit janë duke përdorur mizat në përpjekje për të kuptuar më mirë se si funksionon truri i njeriut.

Truri i njeriut përmban më shumë se 100 miliardë neurone ndërsa truri i mizave ka vetëm 100 mijë. Pra është shumë më e lehtë për shkencëtarët të studiojnë mënyrën sesi reagon një mizë ndaj një lëvizjeje të caktuar.

Për të realizuar këtë, shkencëtarët projektuan një motor lëvizës në formën e një topi, ku një mizë mund të lëvizë me këmbët e saj në çdo drejtim.

Një ekran i vogël përpara jep pamje të objekteve që lëvizin duke bërë që mizat t’i mënjanojnë ato duke lëvizur këmbët.

Thomas Clandinin është profesor i neurobiologjisë në Universitetin Stanford:

“Duke lëvizur motorin vrapues ato na tregojnë se çfarë kanë parë dhe ne mund të shohim reagimin mes asaj që ato shohin dhe asaj që bëjnë."

Në një pjesë tjetër të laboratorit bëhet një eksperimet me trurin. Shkencëtarët thonë se u habitën kur zbuluan se truri i njeriut dhe ai i mizës ndjekin të njëjtat modele.

“Algoritmet bazë që truri përdor për të bërë gjëra shumë themelore përsa i përket shikimit duken shumë të ngjashme.”

Shkencëtarët thonë se tani po përpiqen të identifikojnë se çfarë neuronesh përdorin mizat për të reaguar ndaj lëvizjeve – për të krijuar idenë sesi truri i njeriut e përpunon të njëjtin informacion.

Synimi përfundimtar është të krijohen strategji më të mira për të ndihmuar njerëzit me sëmindje neurologjike dhe psikiatrike.


XS
SM
MD
LG