Opozita maqedonase e drejtuar nga Lidhja Social Demokrate vazhdon të mos i njoh rezultatet e zgjedhjeve parlamentare dhe presidenciale të së dielës. Por, Parlamenti edhe pa këtë parti mund të mblidhet, dhe afati për këtë është data 17 maj. Ndërkohë, ambasada amerikane në Shkup dhe Zyra e Bashkimit Evropian përmes një deklarate të përbashkët për shtyp, i bashkohen vlerësimit të OSBE-së për menaxhimin e efektshëm të zgjedhjeve, ndërsa vërejnë mbulimin e njëanshëm të fushatës nga mediat dhe mungesën ë diferencimit të aktiviteteve shtetërore nga ato partiake.