Ish-kontraktori i sigurisë kombëtare së Shteteve të Bashkuara, Edward Snowden do që të vazhdojë të jetojë në strehim politik në Rusi.
31 vjeçari Snowden ka jetuar në Rusi vitin e fundit, pasi Moska e lejoi të qëndronte, kur Uashingtoni i hoqi pasaportën.
Por me afrimin e datës kur skadon periudha e strehimit politik, në fund të korrikut, avokati i tij rus tha sot se Snowden kishte paraqitur një peticion tek autoritetet ruse për të qëndruar më gjatë.