Lidhje

Detajet e fushatës kundër ISIS


Udhëheqësit ushtarakë amerikanë po raportojnë para Presidentit Barack Obama për “detajet operacionale” të fushatës kundër ekstremistëve të Shtetit Islamik.

Presidenti po takohet sot me Gjeneralin Lloyd Austin, kreu i Komandës Qendrore amerikane në Lindjen e Mesme dhe zyrtarë të tjerë. Ata po diskutojnë për përpjekjet për të krijuar një koalicion ndërkombëtar për të realizuar objektivin që ka deklaruar presidenti Obama për dobësimin dhe shkatërrimin e Shtetit Islamik që ka marrë nën kontroll një territor të gjerë në Irak dhe Siri.

Zoti Obama do të flasë gjithashtu para trupave amerikane në Bazën e Forcës Ajrore MacDill, ku është vendosur Komanda Qendrore në Tampa të Floridës.

Sesioni i strategjisë i zotit Obama me zyrtarë ushtarakë vjen ndërsa trupat irakiane, me mbështetjen e tre goditjeve të tjera ajrore amerikane, luftuan me kryengritës së Grupit Islamik në jug të Bagdaditm, në një zonë të njohur si “trekëndëshi i vdekjes”.

XS
SM
MD
LG