Rumania po mban sot zgjedhjet presidenciale.
Analistët thonë se Kryeministri Victor Ponta ka shanset më të mëdha për t’u bërë udhëheqësi i ri i vendit.
Zoti Ponta pritet të fitojë raundin e parë të votimeve mes 14 kandidatëve, por jo me një shumicë të mjaftueshme për të shmangur raundin e dytë muajin e ardhshëm.
Ish-prokurori ka premtuar se nëse zgjidhet ai do të ulë taksat, do të rrisë pensionet dhe do të ruajë marrëdhënie të mira me Bashkimin Evropian.