Shoqata e Studimeve për Lindjen e Mesme po mban këto ditë në Uashington takimin e saj vjetor, ku studiuesit dhe akademikët prezantojnë punën e tyre për çështjet që kanë të bëjnë me këtë rajon. Një nga pjesëmarrëset është Albana Sala Dwonch, e cila pas pothuajse një dekade punë me organizata joqeveritare në terren, në Ballkan dhe Lindjen e Mesme, i është kushtuar aspektit akademik të një rajoni të ndërlikuar. Ajo mban në konferencë një prezantim për rolin e mediave sociale në organizimin e të rinjve në Lindjen e Mesme dhe rolin qytetar të të rinjve, që është njëkohësisht edhe tema e disertacionit që ajo po përgatit për doktoraturën në Universitetin e shtetit të Uashingtonit, ku edhe jep rregullisht mësim. Zonja Dwonch dha një intervistë për Zërin e Amerikës.
Intervistë me studiuesen Albana Sala Dwonch
- Keida Kostreci