Udhëheqësi i kurdëve të Irakut, Massoud Barzani vizitoi malin Sinjar pasi luftëtarët kurdë peshmerga thyen rrethimin e zonës nga luftëtarët e Shtetit Islamik.
Presidenti i rajonit gjysmë-autonom kurd të Irakut, Barzani thotë se peshmergat kanë marrë nën kontroll të gjitha rrugët që çojnë në mal dhe kanë çliruar zonën, ku ishin bllokuar mijëra pjesëtarë të pakicës Yazidi.
Ai shtoi se forcat kurde nuk do të lejojnë asnjë luftëtar të Shtetit Islamik të mbetet në zona ku mund të hyjnë peshmergat.