Në Shqipëri policia njoftoi sot për arrestimin e dy personave të cilët dyshohet të jenë të përfshirë në skandalin e ngacmimit seksual të një vajze 17 vjecare në urgjencën e Qendrës spitalore Nënë Tereza në Tiranë
Një ditë më parë policia arrestoi një person, Evarist Pasha, 25 vjec, i cili shfaqet dhe në video e që u ishte afruar të rinjve për t’ju ofruar shërbimin funeral duke menduar se vajza kishte humbur jetën, pasi ajo ndodhej pa ndjenja në shtratin e urgjencës. Dy të arrestuarit e sotëm, të dy 18 vjecarë, dhe shokë të vajzës, akuzohen për moskallzim krimi, ndërkohë që dy të tjerët që dyshohet ta kenë ngacmuar seksualisht atë, janë shpallur në kërkim nga prokuroria.
Ngjarja e cila ka ndodhur shumë muaj më parë, u bë e njohur vetëm pasi video e regjistruar nga vetë të rinjtë e përfshirë, qarkulloi në rrjetet sociale. Ajo tronditi opinionin dhe ka ngritur pikëpyetje të shumta mbi keqfunksionimin e një sërë hallkave të shërbimit spitalor dhe mbi vetë sistemin shëndetësor, gjendja e të cilit lë ende shumë për të dëshiruar. Autoritetet shëndetësore kërkuan menjëherë hetim të shpejtë të ngjarjes, dhe ato mund të shtrihen edhe mbi strukturat e Urgjencës së Qendrës spitalore