Autoritetet në Taivan kanë filluar një operacion në përpjekje për të shpëtuar të mbijetuarit e aksidentit të avionit të pasagjerëve të kompanisë TransAsia, i cili me 58 udhëtarë u rrëzua pas kohë pasi u ngrit nga një aeroport në Taipeti.
Të paktën 19 veta kanë humbur jetën. Pamjet dramatike shfaqin rrëzimin e shpejtë dhe përplasjen e avionit në lumin Keelung.
Avioni 72 vendesh u rrëzua të mërkurën në mëngjes pas fluturimit nga një aeroport në Taipei.
Zyrtarët thonë se të paktën 31 nga pasagjerët ishin turistë nga Kina kontinentale.
Drejtori ekzekutiv i kompanisë TransAsia, tha se nuk dihet se çfarë e shkaktoi rrëzimin e avionit. Ai tha se avioni ishte më pak se një vit i vjetër dhe i ishte nënshtruar mirëmbajtjes së planifikuar më 26 janar. Ai shprehu keqardhjen e thellë të kompanisë dhe shprehu gatishmërinë për të bërë gjithçka për të ndihmuar familjarët e të plagosurve dhe të viktimave.
Autoritetet e aviacionit thanë se po hetojnë shkaqet e rrëzimit.