Në një studim të publikuar në Prishtinë thuhet se qeveria e Kosovës në njëqind ditët e para të saj është përballur me sfida dhe ngecje të shumta politike dhe ekonomike. Sipas studimit, qeveria e re ende vazhdon të përballet me sfida në drejtësi dhe transparencë, ndërsa ka dështuar në politikën e saj të jashtme. Sfidat e ardhshme, sipas studimit mbeten miratimi i Gjykatës së Posaçme, shndërrimi i Forcës së Sigurisë në Forca të Armatosura dhe liberalizimi i vizave për qytetarët e Kosovës.