Lidhje

Bota feston Pashkët


Të krishterët në mbarë botën festojnë sot ditën më të shenjtë të kalendarit të tyre fetar, Pashkët, për të shënuar momentin kur sipas krishtërimit, pas tre ditësh kryqëzim, Krishti u ngjit në qiell.

Papa Françesku po e shënoi këtë ditë me një Meshë në Sheshin e Shën Pjetrit. Ai u lut që t’i vijë fundi persekutimit të të krishterëve, duke kujtuar studentët që u masakruan nga ekstremistë islamikë në universitetin Garisa të Kenias.

Sulmet ndaj të krishterëve në Afrikë dhe Lindjen e Mesme kanë krijuar një hije zymtësie mbi festimet e këtij viti.

Shumë të krishterë këtu në Shtetet e Bashkuara, qofshin katolikë apo protestantë, shkojnë në kishë për këtë festë, megjithëse numri i amerikanëve që frekuentojnë objekte kulti rregullisht gjatë vitit ka rënë ndjeshëm.

Festa është një formë festivali pranveror, me veshje gazmore për fëmijët, lojëra për të gjetur vezët e fshehura dhe shëtitje apo piknik në natyrë.

Mijëra të krishterë u mblodhën mbrëmë në Jeruzalem pranë Kishës së Varrit të Shenjtë ku shumë të krishterë besojnë se Krishti u kryqëzua dhe u varros.

Trego komentet

XS
SM
MD
LG