Kryengritja e Malësisë dhe ngritja e flamurit në Bratilë të Hotit në vitin 1911 përkujtohet me lavdi dhe nderime të veçanta nga shqiptarët në Mal të Zi. Edhe pse Kryengritja e Malësisë ishte një ngjarje madhore historike ajo mbeti në heshtje dhe gati u harrua si pasojë e situatës jo të favorshme shoqërore dhe politike. Megjithatë kjo ngjarje te shqiptarët në Mal të Zi është shndërruar në një simbol të mbrojtjes dhe ruajtjes së identitetit kombëtar.