Në Maqedoni, faktorët politikë, shoqëria civile dhe analistët presin nga komuniteti ndërkombëtar të ndihmojë në zgjidhjen e krizës politike, si rrjedhojë e skandalit të përgjimeve. Nga ana e tij, komuniteti ndërkombëtar kërkon që krahas dialogut dhe bisedimeve, të ketë një proces të mirëfilltë hetimi lidhur me akuzat ndaj manipulimeve, korrupsionit dhe shkeljes së ligjit, që dalin nga publikimi i bisedave të përgjuara telefonike.