Lidhje

KLD, verifikim pafajësisë së Arben Frrokut


Frroku akuzohej për vrasjen e Komisar Dritan Lamajt. Pas ankesës së Prokurorisë mbi vendimin e Gjykatës së Krimeve të Rënda, Këshilli I Lartë i Drejtësisë vlerëson se “ka vend për verifikimin e ankesës”

Në Shqipëri, Këshilli i Lartë i Drejtësisë ka vendosur të nisë verifikimet lidhur me vendimin e Gjykatës së shkallës së parë të krimeve të Rënda e cila shpalli të dyshuarin Arben Frroku, të pafajshëm nga akuza e vrasjes së komisarit të policisë Dritan Lamaj

Prokuroria kishte kërkuar dënimin me burgim të përjetshëm për Frrokun. Ajo ka bërë dhe ankim në gjykatën e Apelit kundër vendimit, ndërkohë që kishte kërkuar dhe angazhimin e inspektoriatit të Këshillit të Lartë të Drejtësisë. Sipas Prokurorisë së Përgjithshme, KLD I ka kthyer përgjigje pozitive kërkesës së saj, duke shpjeguar se “nga analiza e pretendimeve të parashtruara, ka vend për verifikimin e ankesës”.

Shpallja e pafajësisë për Arben Frrokun shkaktoi polemika të shumta në Shqipëri. Ai është vëllai i deputetit Mark Frroku, i cili nga ana e tij është arrestuar, pasi parlamenti miratoi dy kërkesa të paraqitura nga Prokuroria ndaj tij.

E para kishte të bënte me përfshirjen në cështjen Doshi, ku deputeti akuzohet për “deklarim të rremë”. Kërkesa e dytë lidhej me një urdhër ndalimi ndërkombëtar të lëshuar nga autoritetet belge pasi Mark Frroku dyshohet të jetë i përfshirë në një vrasje të ndodhur në vitin 1999 në Bruksel. Ndërkohë ndaj tij janë ngritur edhe akuza për "deklarim të rremë të pasurisë dhe pastrim parash”.

Trego komentet

XS
SM
MD
LG