Lidhje

Britani: Familja mbretërore shtohet me një princeshë


Familja mbretërore e Britanisë është shtuar me një princeshë pasi çifti William dhe Kate u bënë me vajzë.

Njoftimin e bëri pallati mbretëror duke thënë se nëna dhe foshnja janë të dyja mirë me shëndet. Princesha është tani e katërta në radhë për fronin britanik, pas gjyshit, Princit Çarls, babait të saj William dhe vëllait George.

Ende nuk dihet emri i vajzës. Në rastin e vëllait të saj, George, familja mbretërore e njoftoi emrin dy ditë pas lindjes së tij. Kishte shumë spekulime nëse do të ishte djalë apo vajzë, por që nga komentet e Princit Çarls kur tha se shpresonte të bëhej me mbesë, u krijua bindja se ai dinte diçka dhe pritej që fëmija i dytë i çiftit të ishte vajzë.

Lindja e saj e shtyn xhaxhain e vajzës, Princin Harry edhe një vend më larg në radhën për fronin britanik, megjithëse nuk duhet se Harry është shumë me ngut apo me vullnet për detyrat mbretërore.

XS
SM
MD
LG