Komisioneri për zgjerim të Bashkimit Evropian Johannes Hahn ishte sot në kampin për pranimin e refugjatëve dhe imigrantëve të Lindjes së Mesme në Gjevgjeli të Maqedonisë, afër kufirit me Greqinë. Ai shprehu mirënjohje për mënyrën e menaxhmit të krizës nga ana e autoriteteve maqedonase; ndërkohë që paralajmëroi mundësinë e ri-alokimit të fondeve të planifikuara për Turqinë – tek vendet e rajonit të cilat po përballen me krizën e refugjatëve.