Presidenti bullgar Rosen Plevneliev thotë se “i vjen shumë keq” për vrasjen e një refugjati afgan nga policia kufitare bullgare dhe se kjo tregon nevojën për veprim të shpejtë nga Bashkimi Evropian për të lehtësuar krizën e refugjatëve.
Zoti Plevneliev u tha gazetarëve sot se i bën thirrje Bashkimit Evropian që të marrë “masa të shpejta për të zgjidhur rrënjët e krizës” dhe u kërkon azilkërkuesve që të respektojnë ligjet bullgare.
Refugjati ishte mes një grupi prej mbi 50 emigrantësh që u diktuan nga patrullat pranë kufirit turk dje, tha Ministria e Brendshme bullgare.