Lidhje

Sllokavi, Maqedoni dhe kontrolli i valës së refugjatëve


Një grup prej 25 oficerësh policie nga Sllovakia kanë filluar patrullimin në jug të kufirit të Maqedonisë, me Greqinë, në kuadër të misionit evropian FRONTEX për të kontrolluar valën e refugatëve nga Lindja e Mesme.
Së bashku me policinë maqedonase do të bëjnë regjistrimin e refugjatëve të cilët kalojnë nga Greqia nëpër Maqedoni, për të vazhduar rrugën e tyre në veri, drejt vendeve të Evropës Perëndimore.
Ndërkaq organizatat e huaja dhe vëzhguesit njoftojnë se numri i refugjatëve dhe imigrantëve që kanë shkuar në veri të Greqisë vazhdon të jetë i lartë. Në grupe prej disa qindrash ata sillen në Idomeni, pranë Maqedonisë. Dhe vazhdimisht vijnë grupe të reja.
Maqedonia herë pas here ka mbyllur kufirin duke u arsyetuar me problemet që mund të kishin pasur autoritetet sllovene me pajisjet elektronike në kufijt e saj, apo për shkak të protestave të shoferëve të taksive dhe punëtorëve të hekurudhave në qytetin jugor të Gjevgjelisë, pranë pikë-kalimit kufitar me Idomenin e Greqisë.
Së fundmi ka pasur një njoftim nga media evropiane se Bashkimi Evropian do t’i ndante një shumë prej 650 milonë Euro Maqedonisë dhe Serbisë në mënyrë që refugjatët e vendeve të Lindjes së Mesme të strehohen në këto dy vende ballkanike, ku do të ngriteshisn kampe të reja. Por, kjo nuk është konfirmuar zyrtarisht as nga Burkseli e as nga autoritetet maqedonase.

Trego komentet

XS
SM
MD
LG