Policia australiane ka kapur një sasi droge me vlerë 900 milionë dollarë në një prej operacioneve më të suksesshme anti-drogë në historinë e vendit.
Mbi 720 litra meth-amfetaminë e lëngshme, një ndër drogat që krijojnë varësinë më të rëndë për përdoruesit, u sekuestrua gjatë operacioneve policore.
Kjo drogë, që në treg njihet me emrin ice – akulli, ishte futur në Australi me pajisje arti dhe në artikuj veshmbathjeje nga Kina. Ministri australian i drejtësisë tha se operacioni i sotëm heq nga tregu i drogës një sasi të mjaftueshme për 3.6 milionë doza individuale.