Lidhje

Presidenti Obama do të vizitojë Kubën


Presidenti amerikan Barack Obama konfirmoi sot se do të vizitojë Kubën për të çuar më tej përparimin në marrëdhëniet mes dy vendeve si dhe “përpjekjet që mund të përmirësojnë jetën e popullit kuban.”

Presidenti Obama tha në Twitter se do të ngrejë çështjen e të drejtave të njeriut gjatë bisedimeve në vendin e udhëhequr nga komunistët.

Shtëpia e Bardhë tha se vizita është planifikuar për në 21 dhe 22 mars, para se presidenti të shkojë në Argjentinë.

Zoti Obama do të jetë presidenti i parë amerikan që viziton Kubën pas nëntë dekadash.

Vizita vjen pas rihapjes së ambasadës amerikane në Havanë vitin e kaluar.

Javën e kaluar, zyrtarët amerikanë njoftuan se qytetarët në SH.B.A. dhe Kubë së shpejti do të jenë në gjendje të fluturojnë me linja ajrore të rregullta mes dy vendeve.

Marrëveshja e aviacionit është pjesë e planeve të shpallura në vitin 2014 nga Presidenti Obama për rifillimin e marrëdhënieve diplomatike me Kubën.

XS
SM
MD
LG