Presidenti i Shqipërisë Bujar Nishani ishte sot në mesditë në Arqipeshkvinë e Shkodrës, nga ku përcolli urimet për Pashkët.
Presidenti Nishani tha se Pashkët e këtij viti janë të veçanta për mbarë kombin shqiptar pasi pritet shenjtërimi i Nënë Terezës dhe shpallja Martirë e klerikëve shqiptarë të pushkatuar nga regjimi komunist për shkak të besimit të tyre në fe.