Lidhje

Shembet një rrugë biçikletash në Rio de Janiero


collapsed area of the new cycle lane Rio de Janeiro, Brazil

collapsed area of the new cycle lane Rio de Janeiro, Brazil

Një rrugë biçikletash e ndërtuar në lartësi u shemb në Rio de Janeiro, duke marrë jetën e të paktën dy personave. Incidenti dëmtoi edhe imazhin e qytetit si organizator i Lojërave Olimpike.

Zyrtarët e qytetit njoftuan se një person i tretë mendohet të jetë i zhdukur pasi një dallgë e madhe u përplas në shkëmbinj sot duke marrë me vete edhe një pjesë prej 50 metrash të një rruge biçikletash.

“Jemi duke zhvilluar takime me inxhinierët e kompanisë që projektuan rrugën dhe me ata të kompanisë që e ndërtuan, në mënyrë që të gjejmë përgjegjësitë për gabime të mundshme që çuan në këtë incident të papranueshëm për qytetin.”

Ky është aksidenti më i fundit pas një sërë problemesh gjatë përgatitjeve për lojërat e muajit gusht, përfshirë edhe epideminë e virusit Zika dhe trazirat politike për shkarkimin e Presidentes Dilma Rousseff.

Tragjedia ndodhi në të njëjtën ditë kur flaka olimpike po ndizej në Greqi për të filluar udhëtimin 15-javor drejt Rios.

Vrapuesi i fundit do ta sjellë pishtarin brenda stadiumit Maracana gjatë ceremonisë së hapjes më 5 gusht. Lojërat e vitit 2016 do të jenë të parat që do të mbahen në Amerikën e Jugut.

XS
SM
MD
LG