Në Shtetet e Bashkuara, fushata presidenciale zhvendoset sot në shtetin e Karolinës së Veriut, ku republikani Donald Trump dhe demokratja Hillary Clinton do të të mbajnë atje tubime. Zoti Trump do të flasë sonte në Raleigh, kryeqytet i këtij shteti.
Pak orë para tij, zonja Clinton do të flasë në qytetin Charlotte. Me të do të jetë edhe Presidenti Barak Obama. Do të jetë hera e parë që ai bën fushatë në mbështetje të zonjës Clinton, e cila shërbeu si sekretare shteti gjatë mandatit të tij të parë.
Zoti Obama po e mbështet kandidaten Clinton, në përpjekje për të mbajtur një presidente demokrate në Shtëpinë e Bardhë, me synimin për të vazhduar politikat e administratës së tij.
Zoti Trump nuk është mes atyre që mendojnë se administrata Obama ka punuar mirë. Në muajin maj, ai e quajti zotin Obama "presidentin më të keq në historinë e SHBA.”
Ai i ka kritikuar në mënyrë të përsëritur si Presidentin Obama ashtu edhe kandidaten Clinton.
