Lidhje

Tiranë: Analistët komentojnë vizitën e zonjës Nuland


Në Tiranë, qarqet politike rifilluan komunikimet mbi reformën në sistemin e drejtsisë një ditë pas vizitës ndihmës sekretares amerikne të shtetit, Viktoria Nuland.

Propozimi i fundit për kompromis, që njoftoi ajo, riktheu optimizmin e opinionit publik dhe analistëve se një kompromis mund të arrihet mes palëve brenda pak ditëve, që i kanë mbetur sesionit parlamentar.

Korrespondenti ynë Ilirian Agolli, përcjell nga Tirana komentet e fundit të dy studiuesve të njohur...

Një ditë pas takimeve me ndihmës sekretaren amerikane të shtetit, Viktoria Nulland, kryeministri Edi Rama dhe kryetari i PD-së së opozitës Lulzim Basha u shpjeguan deputetëve dhe ekspertëve të tyre propozimin e ri për kompromis, i cili, siç tha ajo, ka marrë ide nga të dyja palët dhe është tërësisht në përputhje me rekomandimet e Komisionit të Venecias.

Të dy forcat kryesore politike janë tërhequr pas nga dritat e mediave për reflektime dhe bisedime për disa ditë derisa të gjejnë mikëkutpimin në afatin e fundit të kohës palamentare.

Studiuesit pohojnë se vizita dhe ndërhyrja e fundit e zonjës Nulland i futi bisedimet e partive shqiptare në shinat e seriozitetit dhe interesit publik.

Ndihmës sekretarja amerikane e shtetit Nuland pohoi dje në Tiranë se ambasadori amerikan Donald Lu dhe ambasadorja e B.E.-së Romana Vlahutin i paraqitën qeverisë dhe opozitës një propozim i ri kompromisi për reformën në drejtësi dhe se tashmë “drafti është thuajse drejt përfundimit”.

Studiuesit pohojnë se ky është interesi më i madh i opinionit publik në Shqipëri dhe po mbeten pas interesat e vogla partiake a personale.

Takimet e ndihmës sekretares amerikane të shtetit Nuland dhanë shpresa se ngërçi po kapërcehet dhe krahas seriozitetit më të madh në bisedime, ajo solli me ndërhyrjen e saj edhe më shumë optimizëm se mirëkuptimi do të arrihet brenda pak ditëve të mbetura, pohojnë analistët.

SHBA dhe BE e lehtësuan proçesin e negociatave, dhe tani mbetet në dorë të politikanëve shqiptarë që ta përmbyllin me sukses procesin, pohuan studiuesit, i cili ka mbështetje të gjerë nga Uashingtoni.

Ashtu si zonja Nulland edhe ata theksuan rëndësinë e reformës në sistemin e drejtësisë për të ardhmen e demokracisë shqiptare.

Kjo reformë sipas tyre, do t'i japë fund të kulturës së pandëshkueshmërisë dhe do të sjellë një sistem drejtësie që të punojë për qytetarët e thjeshtë dhe së fundi do të bëjë që Shqipëria të nisë bisedimeve për anëtarësim në BE.

Forcat kryesore politike nuk po japin detaje para mediave mbi propozimin e fundit për kompromis për t'i dhënë kohë dhe qetësinë e duhur konsultimeve të fundit, kur kanë mbetur më pak se 10 ditë për të miratuar një grup të madh ndryshimesh ligjore në Kushtetutë dhe në të paktën 7 ligje të tjera të fushës së drejtësisë.

Trego komentet

XS
SM
MD
LG