Lidhje

Një ish marins amerikan pas vrasjes së policëve


Police officers attend a church service after a fatal shooting of Baton Rouge policemen, at Saint John the Baptist Church in Zachary, Louisiana, July 17, 2016.

Police officers attend a church service after a fatal shooting of Baton Rouge policemen, at Saint John the Baptist Church in Zachary, Louisiana, July 17, 2016.

Një ish marins amerikan është identifikuar si njeriu që qëlloi për vdekje tre policë dhe plagosi tre të tjerë mëngjesin e së dielës në qytetin Baton Ruzh në Luiziana.

Zyrtarë ushtarakë thonë se Gavin Long nga Qyteti i Kansasit në shtetin Mizuri, një veteran u luftës në Irak, ishte njeriu i maskuar që hapi zjarr ndaj policëve me një pushkë automatike.

Ai u asgjesua nga forcat e rendit pas vrasjes së tre policëve Montrell Jackson, Mathew Gerald dhe Brad Garafola.

Një tjetër polic është në gjendje kritike pas daljes nga operacioni. Dy policë të tjerë nuk kanë plagë të rrezikshme për jetën.

Autoritetet nuk kanë dhënë detaje se policët ishin vënë nën shënjestër, apo për ndonjë motiv të mundshëm. Presidenti Barack Obama i dënoi vrasjet përmes komenteve për televizionet amerikane, duke thënë se sulme të tilla po ndodhin shumë shpesh.

“Pavarësisht motivit, vdekja e këtyre tre policëve të guximshëm thekson rrezikun me të cilin përballet policia çdo ditë në mbarë vendin. Si komb duhet të jemi të zëshëm dhe të qartë se asgjë nuk justifikon dhunën kundër ruajtësve të rendit. Sulmet kundër policisë janë sulme ndaj të gjithëve ne dhe ndaj zbatimit të ligjit që bën të mundur egzistencën e shoqërive.”

Baton Ruzhe ishte skenë e vrasjes fatale nga policia të një afrikano-amerikani afro dy javë më parë. Vdekja e Alton Sterling u regjistrua me një telefon celular dhe është shpërndarë gjerësisht në median sociale, duke shkaktuar potesta të mëdha për disa ditë.

Një ditë më pas, një burrë në Minesota u qëllua për vdekje nga policia gjatë ndalimit për kundravajtje. Të nesërmen, pesë policë në Dallas të Teksasit u vranë nga një njeri i armatosur rëndë.

Dy kandidatët presidencialë, Hillary Clinton dhe Donald Trump bënë deklarata për këtë çështje. Në deklaratën e zonjës Clinton thuhet se“nuk ka justifikim për dhunë apo urrejtje dhe sulme kundër policëve, të cilët vënë çdo ditë jetën e tyre në rrezik”. Zoti Trump shprehu në Twitter ngushëllime për policinë dhe familjet e viktimave, duke fajësuar për sulmet mungesën e udhëheqjes. Ai u shpreh shkurt: “Ne kërkojmëzbatimin e ligjit.”

XS
SM
MD
LG